تسريبات حصرية عن اسعار شرائح الكهرباء الجديدة!!

خلال أيّام هيتم الإعلان عن أسعار شرائح الكهربا الجديدة!! يوم ٣٠ يونيو اللي فات كان آخر يوم لتطبيق السعر القديم لشرايح الكهربا، وعلى الرغم من ان مفيش إعلان رسمي عن أسعار الشرائح الجديدة، الّا ان فاتورة شهر ٧ اللي جاري ده هتكون بالتسعيرة الجديدة، طيب الأسعار الجديدة هتكون كام ؟ مفيش مصادر رسميّة اتكلّمت عن السعر الجديد، وده بسبب ان وزارة الكهربا لسا بتعمل حصر للبيانات اللي عندها، وبتقيّم تكلفة انتاج الكهربا خصوصاً ان في تعاقدات جديدة على استيراد شحنات للغاز ولازم تتحط ضمن التكلفة، مصدر حصري لقناة اقتصاد أحمس أكّد ان الزيادة على الاستهلاك المنزلي هتكون بين ٢٠ و٢٦٪، أمّا الزيادة على الاستهلاك التجاري هتكون بين ٣٠ و٤٦٪، وده معناه إن الشريحة الأقل هيزيد سعرها من ٥٨ قرش لحوالي ٧٠ قرش تقريباً.#اقتصاد_احمس #مصر #الكهرباء